Кээде мобилизация керектигин адамдар өздөрү байкабаган учурлар болот.

Бир айылда бак-дарактар, гүлдөр дээрлик жок дейли. Жаш балдар көлөкөдө ойной алышпайт. Окуучулар мектептен күн чакчайып тийген жол менен кайтышат. Жашоочулар муну көйгөй деп эсептешпейт, көнүп калышкан.

Бул маселени бак-дарак отургузуу, бадал, гүлдөрдү эгүү менен чечсе болот. Бирок, муну бир адам кыска убакытта жасай албайт. Демек, айылдын бардык тургундары жашылдандырууга катышуусу зарыл. Бул жерде жумуш көп: жерди оодаруу, бак отургузуу, сугаруу ж.б.

Ошентип, коомчулукту бир тапшырманын үстүндө бириктирүү мобилизация болуп саналат. Бир нече жылдан кийин жашоочулар бийик дарактуу жана кооз гүлдүү айылы менен сыймыктанышат.